Қазақстандық теннисші Аружан Сағындықова Шымкент қаласында өткен ITF W15 санатындағы турнирде жұптық сында жеңіске жетіп, чемпион атанды, деп хабарлайды Sportm.kz.
Сағындықова ресейлік әріптесі Элина Неплиймен бірге финалда турнирдің бірінші ракеткалары — ресейлік Екатерина Маклакова мен Анна Урекеге қарсы сынға түсті. Бірінші партияда ресейлік жұп тай-брейкте басым болды — 7:6 (7:4), алайда екінші сетте Аружан мен Элина 6:2 есебімен қарымта қайтарды. Шешуші супер тай-брейкте олар 10:8 нәтижесімен матчқа нүкте қойды.
Тартысқа толы финалдық кездесу 1 сағат 49 минутқа созылды. Бұл — Аружан Сағындықованың кәсіби мансабындағы маңызды жетістіктерінің бірі саналады.
