Қазақстандық таэквондо шеберлері Азия клубтық чемпионатында 6 медаль жеңіп алды

Қытайдың Уси қаласында өткен 13-ші Азия клубтық таэквондо чемпионатында Қазақстан құрамасы сәтті өнер көрсетіп, жалпыкомандалық есепте 4-орынға ие болды.

Екі күнге созылған жарыста отандастарымыз 6 медаль еншіледі: 2 алтын, 1 күміс және 3 қола.

Жеңімпаздар мен жүлдегерлер:

• Мария Севостьянова (57 кг) – алтын медаль;

• Дамир Шуленов (68 кг) – алтын медаль;

• Бейбарыс Каблан (+87 кг) – күміс медаль;

• Альтаир Өмірбеков (74 кг), Батырхан Төлеугали (80 кг) және Нодира Ахмедова (49 кг) – қола жүлдегерлер.

Чемпионатқа Азияның 14 елінен 219 спортшы қатысты.