Әйелдер теннисі ассоциациясы (WTA) соңғы ойындарды саралап, әлемдік рейтингті жаңартты, деп хабарлайды sportm.kz.
Рейтинг нәтижесінде Елена Рыбакина 7-ші сатыға төмендеді. Оның орнына, яғни, 6-шы сатыға америкалық Джесика Пегула жайғасты.
Ал, Юлия Путинцева 23-орынға көтерілді. Өткен аптада Аделаида (Аустралия) WTA 500 турнирінің жартылай финалына дейін жеткен Путинцева өзінің жеке рекордын тағы бір жаңартты.
Бір апта бұрын ол 29-дан 25-ке жоғарылап, өзінің спорттық жолындағы үздік көрсеткішіне қол жеткізген еді. Жұптық сында Қазақстанның Анна Данилина 23-тен 22-ге көтерілсе, Жібек Құламбаева бұрынғыша 156-да тұр.
